ਆਫੀਆ ਸਦੀਕੀ ਦਾ ਜਿਹਾਦ…
—ਆਫੀਆ ਸਦੀਕੀ—
—ਲੇਖਕ : ਹਰਮਹਿੰਦਰ ਚਹਿਲ—
ਹਰਮਹਿੰਦਰ ਚਹਿਲ ਬਾਇਉਡੈਟਾ
ਹਰਮਹਿੰਦਰ ਸਿੰਘ ਚਹਿਲ ਦਾ ਜਨਮ, ਸਤਾਈ ਮਾਰਚ ਉੱਨੀ ਸੌ ਸਤਵੰਜਾ ਨੂੰ ਪਿੰਡ ਆਲਮਪੁਰ ਮੰਦਰਾਂ ਜਿਲਾ ਮਾਨਸਾ ਵਿੱਚ ਹੋਇਆ। ਪਿਤਾ ਦਾ ਨਾਮ ਰਾਮ ਸਰੂਪ ਸਿੰਘ ਸੀ ਅਤੇ ਮਾਤਾ ਦਾ ਨਾਮ ਰਾਮਿੰਦਰ ਕੌਰ ਹੈ। ਇਹ ਇੱਕ ਸਾਧਾਰਣ ਕ੍ਰਿਸਾਣੀ ਪਰਿਵਾਰ ਸੀ। ਚਹਿਲ ਨੇ ਮੁੱਢਲੀ ਮਿਡਲ ਤੱਕ ਦੀ ਵਿੱਦਿਆ ਪਿੰਡੋਂ ਹੀ ਪ੍ਰਾਪਤ ਕੀਤੀ। ਦਸਵੀਂ ਨੇੜਲੇ ਸਕੂਲ 'ਗੌਰਮਿੰਟ ਹਾਈ ਸਕੂਲ ਬੋਹਾ' ਤੋਂ ਪਾਸ ਕੀਤੀ। ਇਸਦੇ ਬਾਅਦ ਲੁਧਿਆਣਾ ਦੇ ਗੁਰੂ ਨਾਨਕ ਇੰਜੀਨੀਅਰਿੰਗ ਕਾਲਜ ਤੋਂ ਸਿਵਲ ਦਾ ਡਿਪਲੋਮਾ ਕੀਤਾ। ਉਪਰੰਤ ਅੱਠ ਦਸ ਸਾਲ ਪੰਜਾਬ ਦੇ ਨਹਿਰੀ ਵਿਭਾਗ ਵਿੱਚ ਜੇ ਈ (ਉਵਰਸੀਅਰ) ਦੀ ਨੌਕਰੀ ਕੀਤੀ। ਉੱਨੀ ਸੌ ਅੱਠਾਸੀ ਦੇ ਇਰਦ ਗਿਰਦ ਆਖਰੀ ਪੌਸਟਿੰਗ ਨਹਿਰੀ ਕੋਠੀ ਸੀਤੋ ਗੁਨੋ (ਅਬੋਹਰ) ਸੀ ਜਦੋਂ ਕਿ ਅਮਰੀਕਾ ਜਾਣ ਦਾ ਸਬੱਬ ਬਣ ਗਿਆ। ਉਦੋਂ ਤੋਂ ਹੁਣ ਤੱਕ ਅਮਰੀਕਾ ਰਹਿ ਰਿਹਾ ਹੈ। ਪਹਿਲਾਂ ਪਹਿਲਾਂ ਸਕੂਲਾਂ ਕਾਲਜਾਂ ਵੇਲੇ ਗਾਉਣ ਵਜਾਉਣ ਦਾ ਸ਼ੌਂਕ ਸੀ ਅਤੇ ਇਸ ਤੋਂ ਇਲਾਵਾ ਨਾਟਕਾਂ ਵਿੱਚ ਭਾਗ ਲੈਣਾਂ ਆਦਿ ਵੀ। ਅਮਰੀਕਾ ਜਾਕੇ ਧਿਆਨ ਲਿਖਣ ਵੱਲ ਚਲਾ ਗਿਆ। ਸ਼ੁਰੂ ਵਿੱਚ ਕਹਾਣੀ ਲਿਖਣੀ ਸ਼ੁਰੂ ਕੀਤੀ। ਪਹਿਲੀ ਕਹਾਣੀ 'ਇੱਕ ਬਾਜੀ ਹੋਰ' ਇੰਡੋ ਕਨੇਡੀਅਨ ਅਖਬਾਰ ਵਿੱਚ ਛਪੀ ਸੀ। ਪਹਿਲਾ ਕਹਾਣੀ ਸੰਗਹ੍ਰਿ 'ਅੰਨੀ ਗਲੀ ਦੇ ਬਸ਼ਿੰਦੇ' ਦੋ ਹਜਾਰ ਛੇ ਵਿੱਚ ਛਪਿਆ। ਉਸਦੇ ਬਾਅਦ ਪੰਜ ਕਹਾਣੀ ਸੰਗਹ੍ਰਿ ਹੋਰ ਛਪੇ ਜੋ ਕਿ ਇਸ ਪ੍ਰਕਾਰ ਹਨ। ਪਲ ਪਲ ਪਰਵਾਸ, ਆਪਣੀ ਮਿੱਟੀ ਦਾ ਮੋਹ, ਰਿਸ਼ਤਿਆਂ ਦੀ ਜਗ ਬੁਝ, ਜਿੰਦਗੀ ਦੇ ਰੰਗ ਤਰੰਗ, ਅਤੇ ਮਨ ਦੇ ਆਰ ਪਾਰ। ਨਾਵਲ 'ਬਲੀ' ਚਹਿਲ ਦਾ ਪਹਿਲਾ ਨਾਵਲ ਹੈ ਜੋ ਕਿ ਦੋ ਹਜਾਰ ਅੱਠ ਵਿੱਚ ਛਪਿਆ। ਦੂਸਰਾ ਨਾਵਲ 'ਹੋਣੀ' 2012 'ਚ ਪ੍ਰਕਾਸ਼ਿਤ ਹੋਇਆ। ਚਹਿਲ ਆਪਣੇ ਪਰਿਵਾਰ ਸਮੇਤ ਅਮਕੀਕਾ ਦੀ ਵਿਰਜੀਨੀਆਂ ਸਟੇਟ ਵਿਚਲੇ ਸਪਰਿੰਗਫੀਲਡ ਸ਼ਹਿਰ ਵਿੱਚ ਰਹਿੰਦਾ ਹੈ। ਪਤਨੀ ਦਾ ਨਾਮ ਕਰਮਜੀਤ ਕੌਰ ਹੈ। ਚਹਿਲ ਦੇ ਬੇਟੇ ਅਮਨਦੀਪ ਸਿੰਘ ਅਤੇ ਹਰਮੀਤ ਸਿੰਘ ਯੂਨੀਵਰਸਿਟੀ ਵਿੱਚ ਪੜ੍ਹਦੇ ਹਨ। ਬੇਟੀ ਰਿੰਕਦੀਪ ਕੌਰ ਵੱਡੀ ਹੈ ਜੋ ਕਿ ਪਤੀ ਵਿਕਰਮ ਸਿੰਘ ਅਤੇ ਬੱਚਿਆਂ ਰਣਵੀਰ ਸਿੰਘ ਅਤੇ ਯੁਵਰਾਜ ਸਿੰਘ ਨਾਲ ਆਪਣੀ ਜਿੰਦਗੀ ਵਿੱਚ ਵਿਅਸਥ ਹੈ। ਚਹਿਲ ਨੇ ਮੌਜੂਦਾ ਸਮੇਂ ਇਕ ਬਾਇਓਗਰਾਫੀ ਕਿਸਮ ਦੀ ਰਚਨਾ ਲਿਖੀ ਹੈ ਜੋ ਕਿ ਛਪਣ ਲਈ ਤਿਆਰ ਹੈ। ਇਸਦਾ ਨਾਂ ਹੈ 'ਆਫੀਆ ਸਦੀਕੀ ਦਾ ਜਿਹਾਦ'।
ਚਹਿਲ ਕਹਾਣੀ ਵੀ ਲਿਖਦਾ ਰਹਿੰਦਾ ਹੈ। ਅੱਗੇ ਉਹ ਤੀਸਰਾ ਨਾਵਲ ਲਿਖਣ ਵਿੱਚ ਰੁਝਿਆ ਹੋਇਆ ਹੈ। ਲਿਖਣ ਤੋਂ ਬਾਅਦ ਜਿਹੜਾ ਸ਼ੌਂਕ ਹੈ ਉਹ ਹੈ ਸੰਗੀਤ। ਬੱਸ ਇਹੀ ਕੁਝ ਹੈ, ਜਿਸ ਨੂੰ ਮਾਣਦਿਆਂ ਜਿੰਦਗੀ ਦੇ ਮਜ਼ੇ ਲੈ ਰਿਹਾ ਹੈ।
Harmohinder Chahal
Ph. 0017033623239
--- --- ---
ਪੋਸਟਿੰਗ : ਅਨੁ. ਮਹਿੰਦਰ ਬੇਦੀ ਜੈਤੋ
Mohinder Bedi, Jaitu.
ਪੋਸਟਿੰਗ : ਅਨੁ. ਮਹਿੰਦਰ ਬੇਦੀ ਜੈਤੋ
Mohinder Bedi, Jaitu.
No comments:
Post a Comment